ARCUS asbl

Beschreibung

Firwat sollt Dir Iech aschreiwen? 

Wëllt Dir rausfanne, wéi Kanner ënner dräi Joer um Alldag deelhuelen kënnen a léieren Entscheedungen ze treffen, och wann d'Sprooch an d'Selbstännegkeet nach an der Entwécklung sinn? Dës Formatioun hëlt den Drock eraus a weist op eng praktesch Manéier: Bezéiunge sinn de Schlëssel. Dir wäert entdecken, wéi vill Dir als Professionell scho bäidréit - duerch Är Astellung, Är Perceptioun an Ären Dialog mat de Kanner. De Fokus läit drop, wéi een erfollegräich Bezéiunge mat Kanner ënner dräi Joer opbaut - a wéi dëst Méiglechkeete fir Erfaarung vu Selbstwierksamkeet, Bedeelegung a (Mat-)Entscheedung erméiglecht.

Wéi gëtt an dëser Formatioun nohalteg geléiert a wéi gëtt den Transfer an d'Praxis ënnerstëtzt? 

Dës Formatioun invitéiert d'Participanten, iwwert hir eege Praxis nozedenken, sech géigesäiteg z'inspiréieren a gestäerkt an den Alldag an der Crèche zréckzegoen. Duerch d' Reflektéieren an d' Erkenne vun den eege Ressourcen, Fäegkeeten a Stäerkte gëtt d' pädagogesch Haltung gestäerkt. Kléng (theoretesch) Impulser a praktesch Fallbeispiller suergen dobäi fir eng fundéiert Grondlag a konkret Ëmsetzungsméiglechkeeten fir den Alldag. De Kompetenzlabo bitt iwwer Prozessbegleedung och Ënnerstëtzung & Begleedung beim Transfert an d' Praxis.

No dëser Formatioun sidd Dir an der Lag:

• D'Viraussetzungen ze schafe fir Participatioun, Engagement a Selbstbestëmmung an der Crèche ze erliewen.
• Vertrauen am Ëmgang mat Participatioun bei Kanner ënner dräi Joer ze kréien.
• Eegen Ressourcen, Fäegkeeten a Stäerkten ze erkennen a notzen.
• Bezéiungsopbau als Basis fir d'Participatioun vu Kanner ze erliewen.
• D'Wëssen iwwer d'Entwécklung vu Kanner an eng entspriechend Kommunikatioun opzefrëschen.
• Konkret a praktesch Iddie fir déi alldeeglech pädagogesch Praxis ze entwéckelen.

Bréngt w.e.g. Folgendes mat op d'Formatioun: 

Loscht op Austausch & Reflektioun

WOLF Clara

Educatrice Graduée, Formatrice, Fachbegleederin

Kompetenzlabo KannermuséePLOMM

Referent