ARCUS asbl

Beschreibung

Firwat sollt Dir Iech aschreiwen? 

An dëser Formatioun entdecke mir zesummen, wéi Reschtmaterialien zu richtege Schätz fir d'Spillen a Bauen ginn. Mir probéieren aus, wéi Kanner mat Fantasie, Kreativitéit a vill Freed hir eege Welte schafen, experimentéieren, bauen, ëmwerfen an direkt nees nei ufänken – bis zum Ëmfalen eben!

Dobäi kucke mir och, wéi Reschtmaterialien attraktiv presentéiert, ëmmer erëm nei agesat a gläichzäiteg nohalteg genotzt kënne ginn. Eng Formatioun voll mat Iddien, Inspiratioun an „Aha-Momenter“ fir de pedagogeschen Alldag an der Maison Relais

Wéi gëtt an dëser Formatioun nohalteg geléiert a wéi gëtt den Transfer an d'Praxis ënnerstëtzt? 

• ganz vill praktesch Statiounen, fir mat Formida-Materialien a Kontakt ze kommen
• Theoreteschen Input duerch Présentatiounen, Gruppenaarbeschten an autonom Visitt durch eis Räimlechkeeten am formida echange
• Austausch Momenter fir eng Reflexioun tëscht den Participants

No dëser Formatioun sidd Dir an der Lag: 

• d'Potential vu Reschtmaterialien ze erkennen an dës geziilt, laangfristeg a nohalteg a verschiddene Funktiounsräim oder bei Aktivitéiten a Projeten anzesetzen
• eng oppen Haltung géigeniwwer kreative Prozesser zouzeloossen an dës emmer erem par rapport zu Spillmaterialien ze reflektéieren
• ondéfinéiert Materialien op eng ästhetesch Art a Weis ze présentéieren

Bréngt w.e.g. Folgendes mat op d'Formatioun: 

Noo dëser Formatioun kënnt dir vun den Offeren am formida echange, zB Materialien mathuelen, profitéieren. Bréngt gären e puer Tuuten oder Behälter mat, fir d'Materialien ze transportéieren.

HARTMANN Anouk

Kulturpädagogin

Formida echange, Arcus Asbl

Referent