ARCUS asbl

Beschreibung

Firwat sollt Dir Iech aschreiwen? 

Wat geschitt, wann d'Luucht op Schied trëfft? Wéi eng natierlech a kënschtlech Luuchtquelle gëtt et? A wat brauche mir, fir faszinéierend Luucht- a Schiedwelten entstoen ze loossen?

An dëser Formatioun entdecke mir déi faszinéierend Welt vu Luucht a Schied an erliewen, wéi einfach Luuchtquellen nei Spill- an Entdeckungsraim schafe kënnen. Mir probéieren aus, wéi een mat verschiddene Luuchtquellen, Reflektiounen a Projektiounen experimentéieren, gestalten a Geschichten entstoe loossen kann. Dobäi entdecke mir vill praktesch Iddien, fir Virwëtz, Kreativitéit an d'Fuerschergeescht vun de Kanner ze fërderen.

Wéi gëtt an dëser Formatioun nohalteg geléiert a wéi gëtt den Transfer an d'Praxis ënnerstëtzt? 

• ganz vill praktesch Statiounen, fir mat de verschiddenen Luuchtquellen, Projectiounsméiglechkeeten a Formida-Materialien a Kontakt ze kommen
• Theoreteschen Input duerch Présentatiounen, Gruppenaarbeschten an autonom Visitt durch eis Räimlechkeeten am formida echange
• Austausch Momenter fir eng Reflexioun tëscht den Participants

No dëser Formatioun sidd Dir an der Lag: 

• d'Potenzial vu Luucht a Schied fir d'Spill, d'Entdecken an d'Fuerschen am pedagogeschen Alldag ze erkennen an ze notzen.
• attraktiv Luucht- a Schiedwelten ze gestalten an de Kanner inspiréierend Entdeckungsraim unzebidden.
• praktesch Iddien an Aktivitéite mat Luuchtquellen, Schied a Projektiounen ëmzesetzen.

Bréngt w.e.g. Folgendes mat op d'Formatioun: 

Noo dëser Formatioun kënnt dir vun den Offeren am formida echange, zB Materialien mathuelen, profitéieren. Bréngt gären e puer Tuuten oder Behälter mat, fir d'Materialien ze transportéieren.

HARTMANN Anouk

Kulturpädagogin

Formida echange, Arcus Asbl

Referent