ARCUS asbl

Description

Fortbildungsbeschreibung

Bastels du nach oder Gestalts du schonn? Fort vun der Bastelaktivitéit an hin zur oppener Projetsaarbecht an zum fräie Gestalte mat verschiddenen Techniken! Schneiden, Molen, Stempelen, Fuschen, Falen, Wierken....! Andeems ee Kanner gestalteresche Fräiraum léisst, an si mat Materialien experimentéieren an nei Techniken ausprobéiere léisst, gi Fantasie a Léierprozesser ugekuerbelt a Kreativitéit gefërdert.

Dofir brauch ee villfälteg Materialien, déi bewosst gewielt a presentéiert ginn, mee och eng oppen Haltung, déi sech op d'Interesse vum Kand an de Léierprozess beim Recherchéieren, Probéieren a Gestalte fokusséiert. Tëschen den zwee Formatiounsdeeg kënnen nei Gestaltungstechniken an der Maison Relais ausprobéiert ginn, fir dann Erfarunge wärend dem zweete Rendez-vous ze beschwätzen an an den Austausch ze kommen.

Ziele und zu erwerbende Kompetenzen

• Nohaltegen Ëmgang mat Materialie bei der kreativer Aarbecht léieren
• Beobachtung an Dokumentatioun als wichteg Outile vun der pedagogescher Aarbecht an der Wäertschätzung vum Kand
• Kenneléiere vu verschiddenen Gestaltungstechniken a Méiglechkeeten
• Op d'Interesse vum Kand agoen an oppe Projetsaarbecht fërderen
• Alternativ Verbannungstechniken kenneléieren

 Wichteg: Dës Formatioun riicht sech u Mataarbechter:innen aus enger Crèche oder Maison Relais fir Kanner tëschen 0 bis 12 Joer.

 

 

HARTMANN Anouk

Ekipp Formida Echange
www.formida.lu/formida-echange

arcus a.s.b.l.

Formateur(s)