ARCUS asbl

Beschreibung

Firwat sollt Dir Iech aschreiwen?

D’Brennnessel oder d’Pissblumm – dacks freeë mir eis net, wa se am Gaart oder um Wee wuessen. Mir kucke wéi dëst an aner vermeintlecht „Onkraut“ dat direkt virun eiser Dier wiisst, zu richtege Schätz fir de pädagogeschen Alldag ka ginn.
D'Zil ass et, d’Kanner fir d'Natur direkt virun der Hausdier ze begeeschteren an d'Planzen mat alle Sënner ze verschaffen:
Kulinaresch Iwwerraschungen aus "wëllen" Planzen
Naturkosmetik selwer hierstellen
Kreativt Bastelen mat „Onkraut"

Wéi gëtt an dëser Formatioun nohalteg geléiert a wéi gëtt den Transfer an d'Praxis ënnerstëtzt?

Fir datt Dir d'Fortbildungsinhalter direkt an Ärem Aarbechtsalldag ëmsetze kënnt, gëtt op eng praxisorientéiert Methodik gesat:
Léieren duerch eegent Erliewen an Ausprobéieren.
Direkten Transfer ouni vill Material: Mir schaffe mat Saachen, déi direkt an der Natur ze fanne sinn.
Praxis-Reflexioun: Wärend der Formatioun verkneppe mir d'Theorie direkt mat Ären individuellen Erfarungen aus dem Alldag fir moossgeschneidert Iddien ze entwéckelen.

No dëser Formatioun sidd Dir an der Lag

• Dat vermeintlecht "Onkraut" virun der Dier nei entdecken an als wäertvoll Ressource schätze léieren.
• Sécherheet & Wëssen: Déi gängegste Wëllkraider sécher erkennen
• gëfteg Planzen ausschléissen
• D'Regele beim Sammelen mat Kanner kennen

Bréngt w.e.g. Folgendes mat op d'Formatioun:

• Wiederugepasste Kleeder
• Gutt Schong fir an de Bësch
• Bidon mat Waasser

THILL Kina

éducatrice graduée

Referent