ARCUS asbl

Beschreibung

Fortbildungsbeschreibung:

Participatioun an der Kanner- a Familljenhëllef bedeit, Kanner aktiv an Entscheedungen anzebannen a si matbestëmme loossen. Awer wéi soll dat an eisem stressegen Alldag ëmgesat ginn? Et geet drëm, Versteesdemech fir Participatioun z'entwéckelen, fir ze verstoen, wéi dës d'Liewe vun de Kanner a Jugendlecher a Foyeren, Wunngruppen asw. beaflosst. Mat engem Fokus op Kannerrechter, besonnesch d'Recht op Matbestëmmung léieren d'Erwuessener, wéi si d'Rechter am Alldag uwenden a kommunikativ Hindernisser iwwerwannen. D’Zesummenaarbecht am Team spillt eng zentral Roll, a visuell Hëllefsmëttel kënnen dobäi hëllefen, d'Participatioun fir d'Kanner a d‘Jugendlecher méi verständlech ze maachen. Altersgerecht Participatiounsméiglechkeete solle geschaf ginn, fir d'Kanner derbäi ze ënnerstëtzen, hir Meenung anzebréngen. Zesumme mam Personal léieren déi Jonk, partizipativ Aktivitéiten a Projeten ze gestalten, déi hiert Recht op Matbestëmmung am Alldag stäerken.

 

Ziele und zu erwerbende Kompetenzen:

No der Formatioun si d’Participante fäeg:

• De Begrëff „Participatioun“ am Kontext vun der Kanner- a Familljenhëllef ze verstoen an hunn Methoden a Fäegkeeten erléiert, fir an hirem Alldag an am Team participativ ze schaffen, sief et an Heemer, Wunngruppen asw.

• Kommunikatiounsbarrièren z’identifizéieren a kënne Kanner a Jugendlechen op Aenhéicht begéinen, hinnen aktiv nozelauschteren an hir Besoine besser ze verstoen.

• Visuell Hëllefsmëttel anzesetzen, fir d’Kommunikatioun mat Kanner ze vereinfachen.

• Mat de verschiddene Stufe vun der Participatioun vertraut ze sinn an ze wëssen, wéi si alters- a entwécklungsgerecht Participatiounsformën an der Praxis ëmsetzen.

• Zesumme mat Kanner a Jugendleche participativ Aktivitéiten a Projeten ze entwéckelen, déi hir Matbestëmmung am Alldag stäerken

 

Fortbildner:

 

Cynthia Goncalves

Formatrice et Educatrice diplomée, Conseillèere; Multiplikatorin Kinderstube der Demokratie

 

 

Referent